هذه قصة حب كانت تربط اثنين وافترقوا انتوا اقروا القصيده للاخير واحكموا منو الغلطان الولد لو البنت ....

الولد..
...
بهاي عيوني شفتج لا تنكرين هذا الوجه مايخفى عليه .. مو اني الي شفتج لا تگولين اميزج لون كنتي بين ميه .. صحيح وياج جايز تغلط العين بس الگلب شافج گال هيه .. وأگلج وين شفتج أذا تريدين بمكان الي جنا نگعد بي سويه .. وأگلج حتى شچنتي تلبسين من شفته عليج شصار بيه .. نفس الثوب هذا الگبل شهري...ن جبته بعيد ميلادج هديه ... وهاي الساعه بيدج ما تذكرين جبتها بسبب تأخيرج عليه .. المحابس والتراچي وكحلة العين نسيتي اني جايبهن بيديه .. قناني العطر چانت وحده وثنين سويتج صدك أجمل بنيه .. جبتلج كلشي حتى انتي تتحلين تتحلين بيهن مو اليه ... حصة غيري صاير تعب السنين وبس المشترى صاير عليه ...

البنت ..

صحيح اني الشفتها وانت مو غلطان بنفس الثوب هذا الجبته اليه .. وصحيح اني الجنت ويه شخص ثاني ما أنكر أگلك اني هيه ... صدك كل الي كلته ما انكره صحيح انت جبتها كلها اليه .... بس أني نطيتك گدهم أضعاف حنان ولهفه ولوم الناس بية... چنت شگد أجازف من أجيلك وأتحمل حچي أمي عليه .. الاشياء الجبتها الك انت البسهن اني وتتباهه بيه .. جبته على ذوقك مو على ذوقي البستها لخاطرك متلوگ اليه .. هداياك گلي شگد تساوي شتوازي شبابي اي هديه .. اني انطيتك عمر سلمته بيدك بساعه ومحبس انت تمن عليه .. جاي اليوم تعيرني بيهن ظن عمرك ولا مقدم هديه .. واني ماشفت منك اي نتيجه وصار سنين اريدك تحس بيه .. شفت العمر يجري وكلشي ماكو گلت الحگ لنفسي اني شبيه .. من اظل وياك يتركني قطار بأخر لحظه صرت اني ذكيه .. جبتلج .. ماجبتلج هذا همك لكن ترتبط ؟ ما ألك نيه .. اما الشخص هذا الچان وياي اعتبره اني اجمل هديه ... من اول يوم عرفته حسيته صادق اجانه البيتنا ويطلب ايديه .. وقارنتك انت ويا مرات شفت القلب يمك لكن الحب حبيبي بهالزمن عشره بالميه .. والتسعين اني بحاجه الهن
زواج واستقرار واحلام ورديه .. لذلك قررت اختار غيرك واذا اني كبرت قبل بهداياك اسمحلي ارجع هالهديه .. اني بخاتم الخطبه تزهي اديه ...

» البنت كالتفاحه
» أذا كانت الحياة لعبه فهذي هي قوانينها
» ماذا تفعل البنت عندما يأتي رجل ليخطبها