ابوذيات ..................

ابــــــوذيــــــات

راح اقدم لكم
ابــــــــــــــــــــــوذيـــــــــــــــــــــات
ان شاء الله تعجبكم

بفراقك جمر ابجي ونيران
يا لوجهك يشع رحمه ونيران
تمنيت العراق انته وانه ايران
وحدودك دوم فاتحهن عليه

وحق النون ثم الواو والحاء
شيبت من بعدك رموش والحاء
ضليت مثل الشجر بس خشب والحاء
وصفه حته الجذر مقطوع بيه

احبابي عيوني راحت من اجلكم
واجل الدنيه كلهه من اجلكم
ياهو الي حرفكم منهو كلكم
وقطع حبل الوصل منكم عليه

اريد امشي بنهار الصيف و أسعه
علة ام حلق الصغير وعين وسعه
يحفار القبر بله عليك وسعه
بلكي اصير موتتنه سويه

كلبي من اول احجايه شعر بيك
صعب اعرف اعرابك شعربك
الشفايف عيون طول الشعربيك
كعدت الليل لو تكبل عليه

انا الما مذنب بحبة وجاني
زرعت ورود شمحصل وجاني
اذا ما ذكر عشرتنة وجاني
على الدنيا السلام وهاي هية

انا اللي كل وكت كلبي خليلك
وعجيبة شلون ما ترحم خليلك
حبيبي السهر ما اريدة خليلك
لان هو سبب ما صار بية

انا الابيض الك كلبي وصافي
وقليل من البشر تحمل وصافي
يزعلونك علي عمدا وصافي
واضل وياك مهما يصير بية

» ابوذيات
» ::::.....ابوذيات تحشيش .....::::
» ابوذيات حب حلوه.....؟