...اصعب شي بالدنيا الغربه...

طلعت والعــراق ينزف وراي
وخارطة العـراق بجفي عنوانه

شفت مـن جفي دم ينزف هواي
وحسيته ايدي وي جفي خدرانه

كمت ابجي حيل وحاروا الوياي
ومــــن الالم يا بوي صحت انه

وشفـــــت ويه الدم مخبوط ماي
معقوله جفوفي هـم مثلي حزنانه

قربت جفي بعد وشفت كل العراق
شماله وجنوبهوعليّ بغداد زعلانه

طلع مـــو جفي اوردته مكطوعه
طلع العـــــــراق مكطوع شريانه

بجفي رسمــت العراق وزهوره
ورسمـــت بشار الحامي جيرانه

وشفت همــــــر بالخارطه تمشي
والعــــراق يا وسفه متفلشه بنيانه

وشفــــــــت ارهاب وقتل وتهريب
وشفت كل شــــوارع بغداد خربانه

قربت جفي بعـــــــــــد وشفت بنيه
تعد النجـــــــــــوم وللصبح سهرانه

شيعيه مــــــن اهل الطيب والخير
تحبلهه معظماوي ما تطفه نيرانه

ما يكدر يوصلهه مكطوع ذاك الصوب
يخاف يعبر والله يذبحــــــــــوه خوانه

وشفت كاظماوي يبجي حيل هواي
اعله مرته الينذبحت فوك احضانه

مالها ذنب بــــــــــــــس هي سنيه
اعله حب الشيعي يا ناس ربيانه

وشفــــــــــــــت راس بلايه جسم
وشفت ذيب ينهــــــــــــش بأنسانه

طلع الدم ما ينزف مـــــــــن جفي
الدم ينزف مــــن العراق واركانه

امسحت الخارطه مـــــــن جفي بساع
انا شفت جفي انمسح والخارطه بقيانه

يسلمو اسيره وهو مجرد التفكير بالغربه صعب مو النوب واحد يعيش بالغربه
متنحمل ابد ابد
تحياتي لكي وتقبلي مني كلمه اعجابي بذوقك الرائع

شكـــــــــــــــرا لمرورك يامحمود واضاقه لمســـــــــــــــــه حميله منـــــــك على الموضوع...
وان شالله ولا واحد يتغرب عن وطنه واهلـــه والكــــــــل ترجع لبويتها سالمين ...