الك دار بدليلي عامرة سنين
وحكــ َ ربك مايسكنها ثاني
والك جرح بدليلي ومااداويه
اريده يظل يعذبني واعاني
ولك مدري شكَلك ضاع الحساب
واذا انساك ريت الله خذاني
آنه احبك وابقى اهواك
وهذا حبك والله اذاني
رغم الاذيه ودمعي عليك
ورغم موت كل حلم باحلامي
قابله بالضيم واصبر بالكَلب
واكول الحمدلله راضيه بايامي
العشكــ َ مو بيدي وادري انت معليك
بس كَلبي حبك وعشكَتك خلاني
آنه احبك والله ماانساك
اغم هذا الوكت لو عنك لهاني
ولك لو بفراش موتي ابقى اهواك
ولاتكول بيوم اليحبني نساني
وانت هم تعشكـ َ وحده غيري بيوم من الايام
وهم يمر عليك الوكت وتنساني
اليوم آنه وياك وابجي واناديك
باجر ابجي واتمناك كَدامي
منو يسمعني من اسولف بيك
منو يداويني بعدك ويداوي آلآمي
فضلتك ع البشر كلهم وكَلبي تعناك
ومحد يحبك مثل عشكَي وغرامي
اوعدك حبيبي واريدك ترتاح
مااعشكـ َ بدالك انسان ثاني
كلمة احبك مااكَولهه لغيرك
وعساني الموت لو كَالهه الساني
مستحيل احب غيرك حبيب
وحكـ َ امي وابوي واخواني
واوعدك مااكولهه لشخص ثاني
احبك انت يااول واخر حبيب
ولو ينطوني ذهب ماغير وعدي وكلامي
والله من اذكر يوم الفراكـ َ
احس دمي يوكَف بشرياني
القدر موتني ودفني بالحياة
وخلاني مااعرف ليلي من نهاري
تعبت من حبك وبس افكر بيك
ظليت وحيده وهمي بلاوي
امشي واضحك واكَول آنه فرحانه
ونزلت دمعتي من ذكروك ويه الاسامي
اريد انساك وكلشي يذكرني بيك
ولك حتى اسمك يحمله واحد من اخواني
كلهم دروا عني وحسوا بضيمي
وعرفو بعشكَي وغرامي
العدو اللي يكرهني هم اجه
يسالني شبيه وشبيهه احوالي
تعبت من الاحلام وهي بس اوهام
شكد موتتني هذي احلامي
معقوله كل حلم صار بالنار ؟
معقوله راحت احلامي وامالي؟
اريد اوصيك وهذي اخر وصاتي
اريدك لايجي يوم وياحبيبي تنساني
واذا فرقنه الوكت خليني وياك
واريدك تفرح وانت بغيابي
اريد اسمع ضحكتك وبصوت عالي
بلكي ارتاح وانام الليالي
والله من اشوفك تضحك واسمع ضحكتك
حتى لو ابجي تنعلن ضحكاتي
واريدك اذا تسمع بيوم وفاتي
اطلبك انت تصير دفاني
نيمني بيدك بالكَبر ياحياتي
وخليني احس بيك بآخر لحظاتي
احبك يااول عشكَي وغرامي