الوعد وينه

يل واعدت ما جيت الوعد وينــــــــــــــــه
بعينك أحنه ازغار ( صغار ) من تعتنينــــه
يسجل التاريخ نكلات ألأجـــــــــــــــــــدام
فنه الرفيج يكون خالي منل الأوهــــــــام
أحنه اصفه أمن العين عين الصحيحــــــــــه
والسر لعد الغير لا ما نبيحـــــــــــــــــــــه
إبغيره ما يرتاح الرافك الحــــــــــــــــــــر
يلكي الجسر مكطوع بالكفة يعبــــــــــــــــر
أول عتابي أوياك شفتة العلايــــــــــــــــم
ينتظر هم ملكاك الكلب هايــــــــــــــــــم
أر أنشد من الناس ريف ومدينـــــــــــــــه
ليش التحبه هواي تصغر إبعينــــــــــــــه
ما لي عتب وياك عتبي عله روحــــــــــــي
أذّكر كلام الفات هيج أجروحـــــــــــــــــي
تدري الكلام الفات أشكثر غالـــــــــــــــي
ذبني بساس البير من جنت عالـــــــــــــي
حبيته وتعنيت فجت البحـــــــــــــــر ذاك
من روجه ما هميت كتله آنه ويــــــــــــاك
كنه التحبه الروح يوفي إبسلامـــــــــــــــه
والواشي والنمام أترك كلامــــــــــــــــــه
أعتب وأزيد أعتاب والعتب بنــــــــــــــأي
إنشد المختصين والعدهم الــــــــــــــــراي
أحنه وحك عيناك أهل المضايـــــــــــــــــف
من يصل هاي الدار يمن الخايـــــــــــــــف
لاني أبحر غركان لاني أبجزيــــــــــــــــــره
ولاني غريب أرتاج نازل الديـــــــــــــــره
أحنه السكنه الدار أحنه البنينــــــــــــــه
أحنه اليمسه الضيم بس يصل لينــــــــــه
الخوه ما تراد البيهه حيلــــــــــــــــــــــه
الخوه للخوان الهم تشيلـــــــــــــــــــــــــه
بيدي أرد أذب الروح لو ما توافــــــــــــي
بالعتب عتبناك بس هذا كافــــــــــــــــي

مشكوره ضوء القمرعلى هاي الكلمات الروعه
تحياتي لكي وتقبلي موروي

يسلمووو ضوء القمر
كلماتج فعلا روووووووعة
أرجو أن تتقبلي مروري
لك مني كل الود
نور العراق


الخوه ما تراد البيهه حيلــــــــــــــــــــــه
الخوه للخوان الهم تشيلـــــــــــــــــــــــــه
بيدي أرد أذب الروح لو ما توافــــــــــــي
بالعتب عتبناك بس هذا كافــــــــــــــــي