...والله الغربه مو بس وطن...

قتلتني الغربة وذبحني الفراق
اتذكر بيتنا واتذكر ذاك الزقاق
اللي كنت الهو واللعب فيه ويه الرفاق
مليت تره البعاد صعب وللقلب حراق

مليت البعد عنك ياعراق

مشتاق للعراقيين ولسوالفهم الجميلة
ولطبعهم العنودي وشهامتهم الجليلة
مشتاق لحضن هلي وناسي ومشاعرهم الرقيقة
ودفيء حضنج يا بغداد واخلاقج النبيلة

مليت البعد عنك يا عراق

حنيت لنهر دجلة وميه الصافي
وانوار شارع ابو نؤاس وهواه الدافي
حنيت لنهر الفرات وسمكه الوافي
وتمنيت اشرب ميه وامشي على ضفافه حافي

مليت البعد عنك يا عراق

ولهان على البصرة وأم القرى
والفاو اللي قاومت ودوخت العِدى
ولهان على الانبار وأم الربيعين نينوى
اللي تمنيت اسير فيها وانشد احلى الغنى

مليت البعد عنك يا عراق

تعبان وربي يشهد على حالي
لا تخافوا يوم لو شفتوني والدمع على سهادي
ولاتستغربوا لو فنيت له عمري ومالي
هذا العراق حبيبي وارخص له كل غالي

مليت البعد عنك يا عراق







ارجو ان تنال اعجابكم
__________________
اسيــــــــــــــــــــــــــــــــــــــرة الصــــــــــــــــــــــــــــــت

يسلموووو اسيره عاشت الايادي طبعا اي الفركه اتموت
تحياتي لكي ودمتي بهذا الابداع

شكرا الج أسيرة الصمت ع الكلمات المعبرة
صحيح الغرية كلش مؤلمة
تحياتي لكل المغتربين وانشاء الله يرجعون لبلدهم سالمين...

تقبلي مروري
أختك
نور العراق

يسلمو على موضوع عاشت ايدتك