اسير الصمت العراقي
منتدي اسير الصمت العراقي يرحب بك أجمل ترحيب
ونتمنى لك وقتاً سعيداً مليئاً بالحب كما يحبه الله ويرضاه

فأهلاً بك في هذا المنتدى المبارك إن شاء الله
ونرجوا أن تفيد وتستفيد منا

وشكراً لتعطيرك المنتدى بباقتك الرائعة من مشاركات مستقبلية
لك منا أجمل المنى وأزكى التحيات والمحبة



 
الرئيسيةالبوابةاليوميةمكتبة الصورس .و .جبحـثالمجموعاتالتسجيلدخول

شاطر | 
 

 قصيدة تلاكينة للشاعر ايهاب المالكي

اذهب الى الأسفل 
كاتب الموضوعرسالة
aloosh

avatar

عدد المساهمات : 46
السٌّمعَة : 1
تاريخ التسجيل : 01/08/2009
العمر : 32
الموقع : العراق - بغداد

مُساهمةموضوع: قصيدة تلاكينة للشاعر ايهاب المالكي   الأربعاء أغسطس 05, 2009 1:58 pm

مني الى من هم اغلى من نفسي الى احبابي ومن سهرت عيني لاجلهم

احبابي اعضاء وزوار هذا المنتدى

سلام عليكم ورحمة الله وبركاتة
شلونكم شعرائنأ واعضائنأ الغوالي
كما تعودنا في هذا المنتدى الراقي كل ماهو جديد وحصري
اليوم حبيت انزللكم قصيدة (( تلاكينة )) لشاعر من اهالي الناصرية
عرف بينة ناسه بطيبتة وحسن خلقه وهو الشاعر (( ايهاب المالكي ))






تلاكينة
وكف كلشي بحركت الكون بس خطواتك وخطواتي احس بيهن
ودك السر الاحدب وسط روحي اجراص وفتلت اوراقي الجنت طاويهن
الشارع شالنة حد ما وصلنة الغيم ونتحرن جروحي وجلبت بيهن
ها نتلاكة هسة وها راح يهون زعلانات مني وبيك اراضيهن
انا مابينك ومابينهن محتار تالجمهن وكلهن بيك اداويهن
كلما تقترب جرح السنين يطيب يلتم والثواني خيوط اسويهن
اهي لاحضات بس لمت هواي جروح ماطابن بروحي وكل سنة اجويهن
اسولف ويه روحي ها بعد خطوات ماكلك شلون ومنو اليبديهن
منك خطوة مني المهم خطوة اصير مو مهم المسافة المهم نمشيهن
ولو محتار بس شائت الصدفة اصيراشوفك والسنين الضايعة الكيهن
بس احتار من لاحن بعيني دموع ينتظر شسوي احبسهن ابجيهن
ورد مجبور اموتهن بعين الشوك على كد ما اعبرك ورجع ارثيهن
انة احلم بالاحلام الظالات انقاض الم الظال منهن وحلم ابنيهن
بيت وباب بحجايات حلوة وياك نيران الشماتة شموع اسويهن
لاتلتفت كتلك لا وكتنة يضيع ميل يعد ثواني وخطوة تمحيهن
انة تيهت روحي وكلت وين تروح يم روحك سوية وهسة نلكيهن
حلم غمضت بي عيني وكفت اوياك بي يمك حجيت المستحة احجيهن
بجيت وبستك وطفيت بيك الغيض وشتعلن ضلوعي وكتلك اطفيهن
بس فزيت وعيونك اضيع اهناك من كلش وصلنة وركزت بيهن
من مديت جف محنة جنت تريد اشوف اطراف اصابع ردت احنيهن
من خليتك وزعلن اجدامي وياي من كالن نريدة وردت اخليهن
انتهة كلشي وبدية سديت باب الشوك ونترسن عيوني ويردن اجفيهن
ومالوليت من رادت اسراري تنام دك نايك بروحي وكمت اغنيهن






وللاستماع الى القصيدة بصـوت الشاعـر في قسم القصائد المسموعة
VVV


اضغط هنــ ( تلاكينة ) ـــا



اتمنى ان تنال اعجابكم
الرجوع الى أعلى الصفحة اذهب الى الأسفل
nooraliraq
مشرف
مشرف


عدد المساهمات : 424
السٌّمعَة : 12
تاريخ التسجيل : 03/08/2009

مُساهمةموضوع: رد: قصيدة تلاكينة للشاعر ايهاب المالكي   الأحد أغسطس 30, 2009 8:20 pm

عاااااااااشت الأيادي
يسلموووووووووووووووووو
في انتظار المزيد

أرجو ان تتقبل مروري

تحياااااااااااتي
نور العراق
الرجوع الى أعلى الصفحة اذهب الى الأسفل
محمود العكيدي
مشرف
مشرف


عدد المساهمات : 378
السٌّمعَة : 16
تاريخ التسجيل : 06/08/2009
العمر : 32
الموقع : بغداد

مُساهمةموضوع: رد: قصيدة تلاكينة للشاعر ايهاب المالكي   الإثنين أغسطس 31, 2009 1:57 am

مشكور حبيبي علوش وارجو ان تستمر على هذا العطاء
الرجوع الى أعلى الصفحة اذهب الى الأسفل
 
قصيدة تلاكينة للشاعر ايهاب المالكي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
اسير الصمت العراقي :: قسم الاداب والثقافة :: منتدى الشعر الشعبي العراقي-
انتقل الى: