اسير الصمت العراقي
منتدي اسير الصمت العراقي يرحب بك أجمل ترحيب
ونتمنى لك وقتاً سعيداً مليئاً بالحب كما يحبه الله ويرضاه

فأهلاً بك في هذا المنتدى المبارك إن شاء الله
ونرجوا أن تفيد وتستفيد منا

وشكراً لتعطيرك المنتدى بباقتك الرائعة من مشاركات مستقبلية
لك منا أجمل المنى وأزكى التحيات والمحبة



 
الرئيسيةالبوابةاليوميةمكتبة الصورس .و .جبحـثالمجموعاتالتسجيلدخول

شاطر | 
 

 لو بس مكمل الحلم

اذهب الى الأسفل 
كاتب الموضوعرسالة
هوبي المهندس
Admin
Admin
avatar

عدد المساهمات : 43
السٌّمعَة : 0
تاريخ التسجيل : 03/08/2009
العمر : 29
الموقع : http://mohmed159.ahlamontada.com/

مُساهمةموضوع: لو بس مكمل الحلم   الثلاثاء أغسطس 04, 2009 7:55 am

السلام عليكم ,, البارحة ,, قصدي اليوم من كعدت ,, قصدي البارحة من جنت نايم ,, والله ما اعرف بس هو الحلم عال عموم صار قبل مااكعد من النوم و اتريك بيضة ,,

حلمت حلم رياضي بحت , ولو ما اعرف بحت شنو بس لكيتها مكتوبة بكتاب مال طبخ و لطشتها

المهم

نمت كالعادة عال سرير (اي لعد وين انام جوة المبردة؟)
و حلمت اني معلق رياضي و دا اعلق على لعبة العراق و جوة افريقيا قصدي جنوب افريقيا
مباوعينا الكرام ,, مستمعينا الكرام اللي مدا يشوفون اللعبة لان الوطني طافية ,, او عدهم ستكماتيزم او حول مؤقت ,,نحييكم و نكلكم هلاو ,, و نقدم لجهرتكم الرائعة مباراة كرة الرجل بين جماعتين ,, جماعة لابسين تيشرتات و شورتات و يحجون عراقي اللي همة جماعتنا ,, هلاااو نشأت شلونك نشأأت اني المعلق الووو ,, يبدو ان نشأت لابسني و اتواصل معكم في التعليق ,, و الفريق الاخر بصراحة ما امبين بس سنونهن لان ظلام طامس,,قصدي ظلام دامس , و من عدد الطخوم 11 طخم اسنان ,, يتبين ان الفريق الاخر هم 11 لاعب ,, وهم جنوب افريقيا بالزي الزرق ورق اخضر و احمر و الجواريب تك خضرة تك وردي (ادري هذا دريس لو المرسم الصغير)

يجري الان تمارين احمار يا حمار؟؟عفوا احماء و نشاهد" بيتا نامو كوتي عمبة" ابرز لاعبي الاحتياط قد تعرض لاصابة اثناء الاحماء قد تبعده عن الملاعب 21 سنة و 7 سنتات ,,

الان يعزف السلام الوطني مشاهدينا الكرام للعراق و جنوب افريقيا

نشيد موطني معروف و ساكتفي بنقل النشيد الجنوافريقي

احنة سووود
احنة سووود
ونحمي الحدود
احنة سووود
احنة سووود
ورئيسنا اسمه عبود و يكلنا
انتو سووووود
انتو سووووود
بلدي بلدي بلدي
وطني وطني وطني
مولدة مولدة مولدة
احنة سوووووووود

أذن مشاهدينا و مستمعينا الاكارم , عزف السلام الوطني العراقي و الجنوب افريقي و ننتظر البداية من صفارة الحكم الذي أتصل قبل قليل و كال لازمه ازدحام عال سريع مال محمد القاسم و احتمال يتاخر عن اللعبة , و خلي واحد من الجمهور يسجل الفاولات الى ان يجي لان الكيا حشرت بالازدحام و السايق مخلص جكاير ,, و يجري الان انتظار الحكم ,,

تاريخ اللقاء عاوي و محدق بين الفريقين حيث لم يلعب العراق مع جنوب افريقيا ولا حتى بالبلاي ستيشن و يؤكد المحللون ان العراق قادر على عبور التنين الجنوب افريقي اذا خزن أكس و داس مربع و يبدو ان الحكم قد وصل و يستقبله الجمهور بكلمات جميلة تعبر عن الروح الرياضية البحتة :

هييه هييه هذا الحكم ناقص
هييه هييه هذا الحكم ناقص
هييه هييه مخبل ,, هييه هييه مخبل ,,
هذا الحكم عزة صخام ,, ضعيف مسلوع كله عظام
هذا الحكم عزة صخام ,, ضعيف مسلوع كله عظام

و هناك 2 شايلين الحكم و جايبي الى منتصف الملعب و يلاحظ ان الحكم قد اخذ حباية تينورمين قبل قليل لانه متعارك وية مرتة كون مرتة اتشجع النمسا اللي اصلا ما امشاركة لاسباب امنية بحتة

بدأت المباراة و ممممم
مشاهدينا الكرام يبدو ان الحكم اتخبل فهو يدور حول علم الزاوية الايسر و يصفك و يغني طيييط طيييط طيييط اني حكم مال زعاطيط
يوجد في المباراة ايضا مساعد الخط و مراقب الحكم (يمكن الاصح مساعد الحكم و مراقب الخط)
و بالمناسبة فان عمل مراقب الخط ضروري جدا فهو يراقب الخط كي لا ينهزم بعيدا و يترك المباراة و ايديحون اللواعيب ما يعرفون الطوبة جوة الملعب لو شطحت بعيد فد مرة ,,

و يجري الان تغيير الحكم و استبداله بواحد صاحي باب اول ,,, نعم مشاهدينا الكرام لقد اشهر مراقب الخط البطاقة الحمراء بوجه الحكم و ضرب الحكم مساعد الخط جلاق عل خده و يبدو ان المباراة سوف يتم أعادتها ,,

مشاهدينا الكرام ,, الحكم البديل ينزل الان (مو جان بالسطح) الى ارض الملعب و يباوع الى الفريقين للتأكد انه كلهم رجال ولا يوجد نساء بين الفريقين (خاف احد جايف صاحبته موكفها كولجي)

و يطلق الحكم صفارته (بيييع بييع) معلنا بداية المباراة و نلاحظ عدم الاهتمام الكافي بالملعب مشاهدينا و مستمعينا حيث نشاهد جيس زبل مشمور في منطقة الست ياردات في ساحة فريقنا
و و خططططرررة و اندفر جيس الزبل و هجمة خطرة لفريقنا و
زبل
زبل
black hawk
كوم ذب الزبل مو انترس المطبخ
black hawk



فزيت من السرير و اني اكلها
- يوم منو فاز؟
- ابني شبيك؟ كوم غسل وجك و ذب الزبل

كمت و غسلت وجي و اني اكول
اااخ
ااااخ لو امكمل الحلم
الرجوع الى أعلى الصفحة اذهب الى الأسفل
محمود العكيدي
مشرف
مشرف


عدد المساهمات : 378
السٌّمعَة : 16
تاريخ التسجيل : 06/08/2009
العمر : 31
الموقع : بغداد

مُساهمةموضوع: رد: لو بس مكمل الحلم   الخميس أغسطس 06, 2009 3:06 pm

ادري هوبي هذا حلم لو فلم تايتنك تدري اني مرات احلم ولمن اكعد ناسي الحلم ما اعرف هاي اتصير بس ويايه لو ويه الكل
الرجوع الى أعلى الصفحة اذهب الى الأسفل
 
لو بس مكمل الحلم
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
اسير الصمت العراقي :: القسم الترفيهي :: منتدى الحدايق للتحشيش والترفية-
انتقل الى: